Á dögunum fór fram vígsla á Dalskóla, nýjum leik- og grunnskóla í Úlafarsárdal í Reykjavík. Mannvirkið er afrakstur hönnunarsamkeppni sem Landhönnun tók þátt í ásamt Arkþing. Skólinn var upphaflega hannaður sem leikskóli, en í ljósi aðstæðna var ákveðið að skólinn skyldi hýsa leikskóla ásamt fyrstu þrem árgangum grunnskóla.

Eigendur Landhönnunar senda samstarfsfólki og viðskiptavinum sínum bestu óskir um gleðilegt og gæfuríkt ár 2010.
Þrátt fyrir að mörg verkefni stofunnar hafi verið lögð í salt í kjölfar “Hrunsins” illræmda hefur verið unnið áfram að nokkrum spennandi verkefnum hjá stofunni á undanförnum misserum. Nú rétt fyrir hátíðarnar var lokið við fullnaðarhönnun og gerð útboðsgagna vegna nýs grunnskóla í Hvalfjarðarsveit. Gaman verðu að sjá verkið verða að veruleika en stefnt er að útboði fljólega á nýju ári.

...þá er tímabært að greina frá gangi mála í nokkrum verkefnum sem eru til vinnslu hjá Landhönnun þessi misserin!

Sumarið er gjarnan tími einkagarðanna og í ár voru nokkrir flottir í vinnslu hjá stofunni. Hér á verkefnavef stofunnar má sjá dæmi um nokkra: Brattholt, Sigtún 36, Birkihólar 5, Byggðarhorn 3.

16. júní s.l. voru kunngerð úrslit í opinni hugmyndasamkeppni um menningarhús og kirkju í Mosfellsbæ. Tillaga Arkþings og Landhönnunar lenti þar í 3-4 sæti. Alls bárust 32 tillögur. Á heimasíðu Arkþings má sjá myndir af tillögunni.

Lítið hefur farið fyrir tilkynningum undanfarin misseri á vef stofunnar. Það er þó ekki vegna skorts á tíðindum heldur þvert á móti hefur mikið verið að gera að undanförnu og margt er tengist verkefnum stofunnar sem vert er að minnast á. Hér að neðan eru helstu fréttir af stofunni.

Jódís Gísladóttir sem starfað hefur með hléum á stofunni frá 2005 er farin til náms í byggingafræði í Danmörku. Jódísi eru þökkuð vel unnin störf og jafnframt óskað velfarnaðar í námi, leik og starfi.

Ný íþróttamiðstöð ölfusinga í Þorlákshöfn var tekin í notkun við upphaf landsmóts UMFÍ um verslunarmannahelgina í sumar. Um er að ræða glæsileg íþróttamannvirki með nýrri sundlaugarbyggingu ásamt fullkomnum frjálsíþrótta- og fótboltaleikvangi. Allt umhverfi, aðkomusvæði og sundlugarlóðin voru endurbyggð og er allt hið glæsilegasta.

Fyrir nokkru síðan var Kamila Figlarska ráðin til starfa á stofunni. Kamila sem er pólsk er landslagsarkitekt sem útskrifaðist frá University og Life Sciences í Wroclaw í Póllandi árið 2006. Hún hefur búið á Íslandi síðan þá en hóf störf hjá Landhönnun í apríl sl.

Tillaga Arkþings og Landhönnunar var valin til endanlegrar útfærslu og framkvæmdar úr hópi fimm samanburðartillagna fyrir leikskóla í Úlfarsárdal í Reykjavík. Samkeppni þessi telst í dag óvenjuleg að því leyti að horfið var frá alútboðsforminu, sem hefur mikið verið notað á undanförnum misserum, og þess í stað óskað eftir tillögum hönnuða að nýstárlegum leikskóla sem félli best að óskum verkkaupa og aðstæðum á lóð.
Varðandi lóðarhönnun var ekki farið fram á nákvæma yfirlitsmynd heldur einungis skematíska afstöðumynd þar sem kæmi fram svæðaskipting og gróft innihald lóðar og aðlögun hennar að húsi og hallandi landi.

Að undanförnu hefur Landhönnun í samráði við landeigendur unnið að nýju skipulagi að fjölbreyttri landnotkun á jörðinni Bitru í Flóahrepp, skammt austan við Selfoss. Í þeim drögum sem nú eru kynntar er gert ráð fyrir samþættingu golfvallar og frístundahúsabyggðar á þremur aðskildum reitum.

Tillaga Arkþings og Landhönnunar, í samstarfi við verktakafyrirtækið SS-verktaka, lenti í 1. sæti í hönnunarsamkeppni um nýja kirkjubygging í Grafarholti. Um var að ræða samkeppni þar sem framkvæmdakostnaður skildi vera innan ákveðinna marka og besta tillagan innan þess ramma valin. Aðrir samstarfsaðilar í verkinu eru Almenna Verkfræðistofan, Raftákn og Trivium ráðgjöf.